پاکستان کے لئے سب سے بڑا خطرہ دنيا کا اس سے دور ہونا ہے

 پاکستان ميں اگر کوئي شعبہ ترقي کر رہا ہے تو وہ افغانستان ميں نيٹو افواج کو ايندھن کي فراہمي ميں اس کي اجارہ داري ہے۔ اس کے علاوہ پاکستاني معشيت کے تمام شعبوں کو شديد چيلنجز کا سامنا ہے اور يہ تباہي کي طرف بڑھ رہے ہيں۔ معيشت کي اس بدحالي کے باعث ناں صرف ترقياتي کام متاثر ہو رہے ہيں بلکہ انفرااسٹرکچر، تعليم اور مالياتي شعبوں ميں بھي سرمايہ کاري کم ہو گئي ہے، تاہم دو مرکزي اور بين الاقوامي شہروں کراچي اور لاہور ميں کافي حد تک ترقياتي کام ہوئے ہيں۔ پاکستان ميں سرمائے کا بڑا حصہ بيرون ملک سے آتا ہے اور اس سرمائے تک رسائي کا انحصار بھي کرنسي ريٹس، عالمي معاشي صورتحال اور تيل کي قيمتوں پر ہے۔ يہ وہ عوامل ہيں جن پر حکومت پاکستان کا کوئي اختيار بھي نہيں ہے۔ ملک کو اس وقت سرمائے کے نئے ذرائع کي ضرورت ماضي کي نسبت کہيں زيادہ ہے۔ حاليہ چند سال ميں انفرااسٹرکچر تقريباً تباہ ہو چکا ہے اور ملک بھر ميں بجلي کي چھ گھنٹے تک يوميہ بندش کي جاتي ہے۔ سن دو ہزار آٹھ ميں توانائي اور خوراک کي قيمتوں ميں اضافے نے ملک کو تقريباً ديوالہ پن کے قريب پہنچا ديا ہے۔ رواں مالي سال کي اب تک کي مدت کے دوران خوراک کي اشياء کي قيمتيں گذشتہ سال کي نسبت چھياليس فيصد جبکہ تيل کا درآمدي بل چھپن فيصد بڑھ چکا ہے۔ تمام بڑے شہروں کو خوف و وحشت نے لپيٹ ميں رکھا ہے جبکہ اسلام آباد، لاہور اور کراچي بھي اب محفوظ شہر نہيں رہے۔ اسي وجہ سے غير ملکي اور ختيٰ کہ مقامي سرمايہ کار بھي سرمايہ لگانے کترانے لگے ہيں۔ ملک کي سالانہ في کس آمدني بتيس ڈالر تک کم ہو چکي ہے جبکہ افريقہ کے ممالک ميں في کس آمدني پچاس ڈالر تک ہے۔ 

ان حالات کو ديکھ کر يہ سوال پيدا ہوتا ہے کہ پاکستان کي بقاء کيسے ممکن ہے۔ اس سوال کا جواب بہت آسان ہے کہ کيا حکومت پاکستان ترقي کيلئے کوئي نيا راستہ تلاش کر پاتي ہے۔ پاکستان کو ترقي کے لئے جغرافيائي اہميت کو مدنظر رکھتے ہوئے سياسي استحکام کے ساتھ ساتھ امن و امان کي صورتحال بھي بہتر بنانا ہو گي۔   

اگر پاکستان اپني جغرافيائي اہميت سے فائدہ اٹھانے ميں کامياب ہو جاتا ہے تو اس کا مطلب يہ ہو گا کہ کئي عشروں سے کئے جانے والے معاشي فيصلے درست نہيں تھے۔ پاکستان کو لچک دار سيکورٹي پاليسيوں سے ہي اپني جغرافيائي اہميت کو اجاگر نہيں کرنا بلکہ مالياتي ذمہ دارياں بھي ادا کرني ہيں۔ اس کا اظہار حال ہي ميں اُس وقت ہوا ہے جب امريکي سينٹرل کمانڈ کے سربراہ جنرل ڈيوڈ پيٹرياس کے علاوہ کسي بھي ملک نے آئي ايم ايف سے پاکستان کو نومبر ميں سات اعشاريہ چھ ارب ڈالر کا قرض دلانے کے لئے مداخلت نہيں کي۔ آئي ايم ايف کے اس قرضے کے لئے پاکستان مطلوبہ اہليت پر پورا نہيں اترتا تھا۔ سعودي عرب اور متحدہ عرب امارات نے بھي دو ارب ڈالر کا قرض ديا ہے جبکہ چين نے پانچ سو ملين ڈالر اور ايشيائي ترقياتي بينک نے تين سو ملين ڈالر کا قرض فراہم کيا ہے۔ يہ تمام رقم گذشتہ چند ہفتوں کے دوران پاکستان کو فراہم کي گئي ہے۔ اگرچہ يہ تمام امداد وقتي طور پر تو پاکستاني معيشت کو سہارا دے گي، ليکن مستقبل ميں معاشي عدم استحکام کا خطرہ موجود رہے گا۔

 پاکستاني معشيت کو کئي مسائل کا سامنا ہے اور اب وقت آن پہنچا ہے کہ معاشي استحکام کے لئے فوجي اخراجات اور سبسڈي کم کرنے سميت تمام ضروري ٹھوس اقدامات کئے جائيں۔